Herritarren/erabiltzaileen zerbitzu publikoen gainean egindako ebaluazioak, zerbitzu horiek herritarren eskariei egokitzen zaizkien ala ez egiaztatzea du helburu, bai eta zerbitzuok hobetzeko bideak aurkitzea ere.

Jarduera horren arabera, ebaluazio integralak burutzen dira zerbitzu jakin batzuetan, askotariko metodologiak erabiliz betiere. Zerbitzu publikoei eginiko ebaluazioei esker, erabiltzaileek nahiz bestelako interes-taldeek dituzten igurikimenak ezagutu daitezke. Horrez gain, bestelako emaitzak ere lortu daitezke, esaterako, aipatu igurikimenen betetze-maila aztertzea, edota zerbitzua emateko moduaren inguruko pertzepzioa zein den jakitea. Balorazio bakoitza independentea eta modu zorrotzean argudiatua denez, ebaluatutako zerbitzu publikoak hobetzeko beharrezkoa den informazioa ematen die kudeatzaile publikoei.