Ebaluazio kontzeptuak eta aurkeztu diren mugarriek, gaur egun abaluazioak dituen erronka berriei eman nahi die erantzuna: Politika publikoei buruzko erabakiek, erantzun azkarra eskatzen duten aukera-exijentziak izaten dituzte. Aldaketa azkarren testuinguruak, krisien kudeaketak eta ziurgabetasunak emaitza eragileak bilatzea eragiten dute, denbora errealean eskuratzeko modukoak eta, geroz eta gehiago, baita eremu birtual bidezkoak ere.

XXI. mendeko ebaluazioak bateragarria izan behar du arlo publikoa kudeatzeko beharrizan berriekin. Zorroztasun teknikoa edota eragiketa-eraginkortasuna galdu gabe, erabakiak hartzen dituztenen beharrizanak ase beharko ditu behar denean, maila estrategikoa ere ahalbideratuz.

Era berean, ebaluazioaren ikuspegi berri honek ezin du atzean utzi ordura arteko historiak duen pisua, ez eta denbora horretan zehar garatutako eduki teoriko nahiz praktikoak ere; izan ere, ebaluazioa identitate propioa duen jarduera instituzional baten gisa ulertzea lortu du.