Entre as competencias e funcións da Axencia de Avaliación atópanse a de emitir certificacións, baseadas na calidade e na excelencia, previa solicitude voluntaria das organizacións candidatas.

Nivel de Excelencia das Organizacións

A Axencia de Avaliación emítelles unha certificación do nivel de excelencia a aquelas organizacións que se autoavaliasen conforme a modelos de xestión de calidade recoñecidos e sometidos os seus resultados á correspondente avaliación, de acordo co previsto no Programa de Recoñecemento. O proceso de certificación culmina coa concesión dun selo, en función do modelo empregado para a autoavaliación e do nivel de excelencia comprobado pola Axencia.

De forma previa á creación da Axencia de Avaliación e Calidade foron certificados polo Ministerio de Administracións Públicas un conxunto de 30 organizacións da Administración Xeral do Estado.

Na convocatoria 2007 de certificación do nivel de excelencia, a Presidencia da Axencia de Avaliación e Calidade resolveu a certificación de 9 organizacións da Administración Xeral do Estado.

No proceso de certificación interveñen un conxunto de axentes, cuxas correspondentes acreditacións garanten a súa competencia técnica e cuxa actuación avala o rigor e independencia do proceso.

• Licenciatarios de autoavaliación: Un total de 31 funcionarios de 15 Ministerios recibiron acreditación como licenciatarios de autoavaliación do Modelo EFQM de Excelencia en 2006 e 2007.
• Validadores da implantación de accións de mellora: Un total de 33 funcionarios de 7 Ministerios recibiron acreditación como Validadores do Desenvolvemento de Plans de Acción despois dunha Autoavaliación co Modelo EFQM en 2006 e 2007.
• Avaliadores e coordinadores de avaliación: Un total de 51 funcionarios de 15 Ministerios recibiron formación como Avaliadores acreditados do Modelo EFQM de Excelencia en 2006 e 2007, dos que 33 recibiron ademais acreditación como Coordinadores de Avaliación EFQM.
  

Cartas de Servizos

A certificación das Cartas de Servizos pola Axencia de Avaliación constitúe un chanzo superior dentro do Programa de Cartas de Servizos e supón un recoñecemento da calidade das Cartas, que amosa o compromiso das organizacións coa mellora dos servizos prestados e co aumento da satisfacción dos cidadáns e usuarios dos mesmos.