Coa institucionalización trátase de incorporar a avaliación á axenda gobernamental e nos procesos de formación de políticas públicas como factor clave para a gobernanza.

Así mesmo, foméntase a participación da cidadanía e dos distintos actores sociais. Construír unha cultura de avaliación implica promover o uso da avaliación como unha práctica institucional cotiá nas Administracións Públicas.

A creación da Axencia de Avaliación das Políticas Públicas e a Calidade dos Servizos constitúe un elemento clave no proceso de institucionalización da avaliación en España. Se ben existían previamente institucións que realizaban avaliacións, a súa dimensión era máis ben sectorial ou relacionada coas políticas de gasto. A Axencia achega unha maior articulación ao modelo global, dentro dun marco común do que se enriquecer interadministrativamente.

A Axencia de Avaliación ten vocación de converterse nunha institución de referencia, mantendo unha perspectiva aberta á participación e colaboración con distintos órganos da Administración Xeral do Estado, as Comunidades Autónomas e as Administracións Locais.

Así mesmo, o proceso de institucionalización da avaliación e a xestión da calidade en España impulsouse mediante o marco normativo que desenvolve o Real Decreto 951/2005, do 29 de xullo, sobre Mellora da Calidade na Administración do Estado e cos traballos sobre a análise do impacto normativo encomendados por Acordo do Consello de Ministros, do 25 de febreiro de 2005, polo que se adoptan mandatos para pór en marcha medidas de impulso á produtividade.