A avaliación de políticas públicas e programas atópase habitualmente suxeita a distintas formas de autorregulación. Adoptou en diferentes países e organizacións a forma de regras ou preceptos que se acostuman denominar de forma xenérica como “códigos”.

O primeiro código aprobado en materia de avaliación foi o del Joint Committee for Educational Evaluation de Estados Unidos, que data do ano 1981 (posteriormente actualizado en 1994) e constitúe un primeiro referente histórico de gran influencia e difusión.

Outras denominacións comunmente empregadas para referirse aos códigos son principios, estándares e orientacións. Cada unha presenta pequenas variacións de matiz:

- Principios (principles): Referidos tanto a como se deben comportar os avaliadores como aos atributos (menos detallados que os estándares) que debe cumprir unha avaliación. Esta denominación é utilizada polas Asociacións americana e francesa de avaliación e pola OCDE.

- Estándares (standards): Atributos que debe ter e cumprir unha boa avaliación. Son máis detallados que os principios. Esta denominación é a utilizada polo Joint Committee, as asociacións alemá e suíza de avaliación e a ONU.

- Orientacións (guidelines): Receitas para o cumprimento de principios e estándares, é dicir, como cumprilos. Denominación empregada polas asociacións e sociedades de Italia, Reino Unido, África, Australia, Canadá e polo Programa de Nacións Unidas para o Desenvolvemento (PNUD).

No caso da ONU, ademais dos seus propios estándares, conta con outros documentos nos que se refire ao termo “normas” (norms): Norms for Evaluation in the UN System, 2005.

Algúns dos principais códigos de avaliación en vigor son os seguintes:

Sociedades de Avaliación europeas

- Guidelines for Good Practice in Evaluation.United Kingdom Evaluation Society. Reino Unido. 2003

- Evaluation Standards.German Evaluation Society (Degeval). Alemaña. 2001.

- Evaluation Standards. Swiss Evaluation Society. Suiza. 2001

- Linee Guida per un Codice Deontologico del Valutatore. Associazione Italiana di Valutazione. Italia.

- La Charte de l´évaluation des politiques publiques et des programmes publics. Société française de l’évaluation. Francia. 2006.

Sociedades de Avaliación doutros países

- Guidelines for the Ethical Conduct of Evaluations. 2002.Code of Ethics. 2000. Sociedad Australasiática de Evaluación. Australia-Nova Zelanda

- The African Evaluation Guidelines. African Evaluation Association. Varios países. 2002

- Guidelines for Ethical Conduct /Lignes directrices de la SEÉ en matière d’éthique. Sociedade Canadense de Avaliación.1996

- Guiding Principles for Evaluators. American Evaluation Association. EE.UU. 2004

- Program Evaluation Standards. 1994.Personnel Evaluation Standards. 1988. Joint Committee for Educational Evaluation. Western Michigan University. EE.UU.

Institucións

- Evaluating EU Activities: A Practical Guide for the Commission Services. Comisión Europea. Dirección Xeral de Orzamentos. 2004

- Review of the DAC[1] Principles for Evaluation of Development Assistance. 1998. DAC Evaluation Quality Standards (test phase) 2006.OCDE

- Norms for Evaluation in the UN System. ONU. 2005. Standards for Evaluation in the UN System United Nations Evaluation Group. ONU.2005



--------------------------------------------------------------------------------

[1]Development Assistance Committee. OCDE